Apirila hasieran, bilketa gune berriak martxan ezarriko dira Hazparnealdean, hondakinen bilketa eraginkorragoa eta iraunkorragoa izan dadin. Hondakinen bilketa zerbitzuaren berrantolaketaren helburua lurperatutako hondakinen kopurua murriztea da eta konpostatzearen, birziklatzearen eta berrerabilpenaren bidez hondakinak balorizatzea.

2026ko martxoaren 30etik goiti, AIHERRA, BASTIDA, LEKORNE, LEKUINE eta MAKEAko hondakinen bilketa herrian zehar antolatu biltoki berrietan eginen da. Etxeko hondakinak botatzeko, herritarrek urririk eskuragarri den ezgugailu bat beharko dute.

Apirilaren 8an asteazkenean eta 10an ostiralean,

9:00etatik 12:30etara eta 13:30etatik 17:00etara

Hazparneko Elkargo-Etxean

54 Francis Jammes karrikan, Caisse d’Epargne bankuaren gibelean

Bilketa sistema berria

Martxoaren 20 eta apirilaren 3aren artean, etxeko hondakin eta birziklatzeko gurpildun-zakarrontzi zaharren ordez, bilketa gune berriak izanen dira. Gune bakotxak eguneroko hondakinak (etxe-hondakinak, estalkiak eta paperak nahasirik eta berina) botatzeko edukiontziak izanen ditu:

• Etxe-hondakinendako edukiontziak: ezagugailuen bidez bakarrik idekitzen ahal dira, eta 50 edo 80 litroko zakuak (hetsiak) botatzeko aukera ematen dute.

• Estalki eta paper birziklagarriendako edukiontziak: denen eskura, zakurik gabe gai bakotxa banaka botatzeko aukera emaiten dute.

• Berinarendako edukiontziak: denen eskura, zakurik gabe berinak banaka botatzeko aukera emaiten dute.

Bilketa punduen kokapenak jakiteko :

• communaute-paysbasque.fr ( « Hondakinak/ Bilketa punduak » atala)

Berezketari eta bilketari  lotutako galderentzat edo ezagugailuen eskuratzeko, hondakinen zerbitzuarekin harremanetan sar zaitez :

• 05 59 57 11 80
• dechets.barnekalde@communaute-paysbasque.fr
• ostiral guziz 14:00etatik 17:00etara permanentziak badira, Hazparneko Elkargo-Etxean (54 Francis Jammes karrikan, Caisse d’Epargne bankuaren gibelean)

Jostatzeko aktibitate berri bat AIHERAN eta Arberoan !!! Soinuzko altxor bilaketa pedagogikoa da Vira eta Vasa, jostatzeko bide batez leku berriak

deskubritzeko. Urririk den Vira eta Vasa aplikazionearen bitartez emanak diren argibideeri esker, haurrak, burasoak edota aitatxi eta amatxi geldituko dira entzuteko Vira eta Vasak dioten lekuaz (anekdotak, leiendak, ondarea…).

Esperientzi paregabeko bat nun ustezkoa lotzen den errealitateari eta pedagogia jostetari, jostatuz ikasten 5 urte eta 12 urte artekoen haurrentzat.

Orduan, aintzina abenturan barna eta bidaia egin denboran eta espazioan, josteta segura da !!

3 ibilbide :  Izturitze : km 1 – oren 1 (maila erraza) eta Aiherra : 1,5 km – oren 1 (maila erraza) Donamartiri eta Donoztiri : 6 km – 2 oren 1/2 (maila zaila)

Euskaraz eskuragarri dira 3 altxor bilaketak. Info gehiago https://www.en-pays-basque.fr/territoires-et-destinations/baigura-et-la-vallee-de-

l-arberoue/hasparren/vira-et-vasa-chasse-au-tresor-en-arberoue/ an

Image vira et vasa (54.58 Ko)

Haurtzain Etxea    Aiherra - Ayherre    mam.eguzkilore@gmail.com                                                            

xehetasun geihagorentzat    05 40 39  22  92

Euskal Hirigune Elkargoa 2023ko abenduan Elkargo azpiko Tokiko Hirigintza Planaren (hTHP) lantzen hasi zen; Lapurdi Ekialdeko 27 herri biltzen ditu, Aiherrako herria barne.

Hirigintza Kodearen L.153-8 artikuluaren arabera, hTHPa Euskal Hirigune Elkargoaren ardurapean eginen da, dokumentu gaietan eskumena baitu, kide diren herriekin elkarlanean.

Zer ote da hTHPa?

hTHPa bizi eremuaren heineko hirigintza dokumentu bat da, lurraldearen funtzionamendua eta erronkak aztertzen dituena, ingurumena errespetatzen duen garapen-proiektua eraikitzen duena eta lurraren erabilera arauen bidez formalizatzen duena.

Zertan gira ?   Plui labourd est / euskara (132.77 Ko)

Etxe hondakinen bilketa ez da gehiago iraganen  astelehenetan baina:
Asteazkenetan Aiherran, Lekuinen, Makean, Lekornen

Hondakin bilketa (952.69 Ko)

Bizilekuaren eta energiaren etxearen idekitzea  -  Garrantzitsua

Berritze energetikorako obrak egin nahi dituzu eta baldintza onetan zure etxea eman, begira bi erantsi horiek :

Flyer eus web (546.23 Ko)                 240527 hazparneko poloa 1 (4.28 Mo)

Com tous au compost (545.68 Ko)

Bere aita (Pampilli Etchegoinberry) pilotari eta pilota arduradun izanez, bai Abarratia pilota elkartean, baita Iparraldeko Pilota batzordean ere, Marion naturalki pilotan hasi zen. 2000ko hamarkadan hasi ziren nesken pilota txapelketak. Lehenak ezker paretean eta trinketean, pilota goma betearekin jokatu ziren. Bere indar fisikoa bere pilotari lagunaren heinekoa ez izanikan ere, nahikeri handia erakusten zuen.  2000 eta 2006 urteen artean, beti Virginie Joncquet bere lagunarekin, Euskal Herriko 9 txapelketa irabazi zituen kimuetarik gazteak arteko maila guzietan, paletaz, bai goma betearekin, bai goma hutsarekin.  Frantziako txapeldun titulu batzuk ere eskuratu zituen. Zoinbait urte berantaga, txapelketa bat antolatu zuen Euskal Herriko emakumezkoen pilota elkarte nagusiekin.

 

Bere lehen ofizioa zapataginarena izan bazen ere (zaharrenek "zapataina" deitzen zuten), Battitta BARBIERek (1923-2001) aihertarrak markatuko ditu 29 urtez herriko etxeko idazkari gisa egon baitzen. Hori zela eta, idazle publiko gisa lan egiten zuela erran genezake, jendeari zerbitzu emaiteko, herritarrak administrazio-dosierak betetzeko zailtasunetan zeuden garaian. 1969tik 1980ra  parrokiako erretorea izan zen Emile Larrekin, herriko lehen pilota eskola sortu zuten, katiximatik landa entrenamenduak eginez. Orduan, Euskal Herriko lehen trinkete "modernoetako" batean pratikatzen ahal zen kirol bakarra pilota zen, esku huska hain zuzen. Gaztetxea trinketea, 1970eko urriaren 25ean estreinatua izan zen, Laurent Challet auzapez zen garaian. Horrela, Challet jaunak 1968ko otsailaren 23an hil zen René Ospital auzapez eta kontseilari nagusiaren proiektua gauzatu zuen.Battittak mutiko belaunaldi oso bat lagundu du BELTZUNTZE elkartearen kultura eta kirol baloreak partekatuz. Elkarte hortako pilota saila ABARRATIA (Aiherra - Izturitze - Donoztiri) herri arteko pilota elkarte berrian sartu zen 1993an, hau sortu zenean, balore horiek etengabe transmitituak izan direlarik.

Xalbaten bitartez ikusten da Abarratia esku huskako pilota eskolaren bizitasuna. Oraino gazte kategorian ari delarik (2005ean sortua), Mattin Echeverz pilotari lagunarekin batera, Euskal Herriko 4 txapelketa irabazi ditu jada gazteen mailan,  kimuetarik gaztetxoak arteko maila guzietan, bai trinketean bai plaza laxoan. Berrikitan, Frantziako txapeldun titulua eskuratu du gazteen mailan (oraino gaztetxoa delarik) Allande Martinon-ekin. Bere beso biziarekin kontrakoentzat karreatzeko zailak diren boteak tiroa bezala sakatzen ditu, eta aitzineko jokoan, pilotari abiadura handia emanez erasoak egiten. Gure elkarteko etorkizun handiko pilotari bat dugu Xalbat. Laster Hazparneko Berria trinketeko formakuntza poloan sartzea desiratzen diogu, bere formakuntzaren osatzeko eta pilotari guzien xedea erdiesteko: « Elite pro » berezkoen mailara heltzea.

 

Aiherran, XIXTROAK banatze leku berri bat zabaltzen da : Ogi Bihia ogitegian

Sasoineko bio eta Idoki etxe ekoizpenak mana ditzakezue, Euskal Herriko 26 etxaldetatik elkartuak.

Asteazken gauerdi aintzin Xixtroak.com-en manatuz gero, ostiralean goizeko 10etatik 12rat eta arratsaldeko 4etatik 6etarat, zuen saskia eskuratzen ahalko duzue!

Euskal Herriko etxe ekoizleak susta itzazue, plazerra hartuz! On daizuela!

Bilketa gune bat ezarria da Herriko etxeko sartzean

Maiatzaren 2az geroztik hondakindegietako tenoreak harmonizatu dira eremu geografiko bakoitzean luzazago idekiak izateko gisan. Hori, hondakinen bereizketa eta balorizazioa sustatzeko eta hobetzeko.

Beskoitzeko hondakindegia

Mendiko Borda gunea – RD 21 –Beskoitze
Astelehena : 14h/18h
Asteazkena, ostiral eta larunbata : 9h/12h – 14h/18h
Asteartea eta osteguna hetsia
Tél : 05 59 59 12 52

Heletako hondakintegia

Iholdiko bidea- Heleta
Asteartea eta osteguna  : 14h/18h
Larunbata : 9h/12h – 14h/18h
Astelehena, asteazkena eta ostiraletan hetsia.
Tél : 06 33 95 23 45

Posta eta helbidea kasu :

• Pentsa ezazu zure helbidea aldatzea 2019ko udazkenean ukan duzun helbide berria erabiliz.
• Postak ez ditu oraindik helbide zaharrean idatziak diren gutunak hartzen eta banatzen
• Herriko etxeak ziurtagiri bat emaiten ahalko dizu, galdeginik.

L'osteo  Mobile   ostteopatia zerbitzu eskaintza ibiltari moduan

06 16 02 31 83    losteomobile64@gmail.com